Sam khaw ka WJHTODA sha ki jaka ri khynnah bad ki nongniah kali

Syllad | The Rising MeghalayaOctober 6, 2021

Ka West Jaintia Hills Taxi Owner’s and Driver’s Association (WJHTODA) kala shim iaka sienjam ban iarap da u khaw sha ki para nongniah kali bad kum juh sha ki lai tylli ki jaka ri khynnah ha West Jaintia Hills District.

Kine ki jaka ri khynnah kiba ka WJHTODA kala synñiang da u khaw ki kynthup iaka NEIMA Orphanage, Sahsniang, ka KJP Synod Mihngi Children’s Home, Wahiajer bad sha ka jaka ri khynnah ka World Mission ha Moodop, Nartiang.

Ka WJHTODA kala pynpaw ha kane ka jingsam khaw, kila ioh ruh ka jingiarap na ma Andrew Shullai, MDC Jowai Central.