Sam khaw u MDC Shangpung ha Mynkrem, sngewnguh ka bor shnong

Syllad | The Rising MeghalayaMay 14, 2020

U MDC jong ka Shangpung u ma J Treilang Suchiang, wat hapdeng ka jinghiran ka ioh ka kot ka JHADC ula kner la ka kti jingiarap jong u da kaba sam da u khaw sha ki nongshong shnong jong ka shnong Mynkrem Shangpung.

U Waheh Shnong jong ka Mynkrem Shangpung u ma Nidamon Chulet, ula ong ba ia une u khaw u MDC ka thain ula sam haka 10 tarik une u bnai. Ula ong ba haduh 87 tylli ki longiing kiba shah ktah naka lockdown kila ioh jingiarap.

U Ma Nidamon Chulet ruh ula pynpaw ka jingsngewnguh ïa u MDC ka thain uba sam ïa une u khaw ha kum kane ka por kaba ki paidbah ki shah ktah naka lockdown bad kane ka jingsynniang u MDC ka dei ka jingkyrkhu kaba khraw iaki baroh ki longiing kiba duk ba kyrduh ban pyndap iaka jindonkam ha ki iing ki sem jong ki.