Sam khaw u MLA Mowkaiaw sha ki nongniah kali kamai
Ki nongñiah kali kamai hapoh ka 4-Mowkaïaw Constituency kiba don haduh 117 ngut ki la ïoh jingïarap da u khaw bad kiwei de ki mar bam bala synniang da u MLA ka thaiñ u ma Nujorki Sungoh.
Ia une u khaw la phah sam haki dkhot bad nongkitkam ka Party UDP Mowkaïaw Constituency. La sam mar 25 kg sha baroh ki nongñiah kali kamai bad la sam ruh ïa u dai bad ka umphniang.
Hashwa ban sam ïa une u khaw sha ki nongñiah kali ka la don ka jingïalang kaba lyngkot ba la pynïaid da u Deovolente Tang uba long u President Mowtyrshiah Mowkaïaw Mukhap Laskeiñ to Jowai Association.
La ïoh ka jingkren lyngkot na u kynthup u Eleazer C Dkhar President UDP Mowkaïaw Constituency, u M. Rympei President Laskeiñ Block to Shillong Association, u Daniel Dkhar Secretary Raliang Mokyndeng Nongkynrih to Jowai Association bad u Apdamei Papiah President Sahsniang to Jowai Association.
Facebook
Instagram
Youtube
Twitter
Leave a Reply