Sam khusnam bad pdiang burom ka KSU Barak Valley ia ki samla Khasi kiba shong ba sah ha Silchar Assam

Syllad | The Rising MeghalayaOctober 30, 2023

Ka Khasi Students’ Union (KSU) Barak Valley Circle ha ka 28 tarik u Risaw 2023 ka la pynlong ia ka prokram sam khusnam bad kumjuh ka jingpdiang burom ia ki samla Khasi kiba shong ba sah ha sor Silchar, Assam.

Ha kane ka ka sngi la wan ban pynshngain da u president rangbah ka KSU u Samla Lambokstarwell Marngar kum u kongsan nalor u samla Rueben Najiar bad ki dkhot ka CEC naduh u samla Richest Malngiang Assistant Education Secretary KSU CEC, Samla Shalkitbok Kharbnai Assistant Education Secretary KSU CEC, samla Pynshai Kupar Dkhar Assistant publicity ka KSU CEC, samla Alerick Kharjana Assistant Office Secretary ka KSU CEC lem bad ki dkhot ka KSU East Jaintia hills district Unit, Vairangte Unit bad kiwei kiwei .

La pynphuh pynphieng ia kane ka lympung da ki shad tynrai ha ryngkat ka jingiadon lang ki riew Rangbah kum u Bah Sebastian Pakyntieñ u ba dei Chairman jong ka Khasi Jaintia Village Development Council, u Ma Charles Rymbai President ka Barak Valley Khasi Jaintia Welfare Organisation,u Ma Wanbor Pdang  General Secretary ka Barak valley Khasi Jaintia Welfare Organisation nalor kiwei pat.

Ka KSU Barak valley circle ha kane ka sngi ka la ioh ban pynkup burom haduh 45 ngut ki khynnah samla kiba pass bha kiba wan na kylleng ka them Barak.

Shuh shuh ha kane ka sngi la ioh ruh ban sakhi ia ka bynta kaba ar jong ka prokram ha kaba la don ka jingiakop ‘Mr Freshers’ bad ‘Miss Fresher’s ha kaba ia ka nam lahduh la ioh rah da u samla Hamjngai Bareh kum u ‘Mr Freshers’ bad ka samla Manisha Pohdweng kum ka ‘Miss Freshers’ jong u snem 2023.