Sam kymbor ka FKJGP bad JSM ha Nongjngi bad Mynsngat sha ki briew kiba duna haka bor met

Syllad | The Rising MeghalayaDecember 24, 2020

Kum shibynta ban lehkmen Christmas ka Federation of Khasi Jaintia and Garo People (FKJGP) 12 Shnong Nongjngi Unit bad ka Jaintia Students’ Movement (JSM) Mynsngat Unit kila sam da ki jain kymbor sha ki briew kiba duna ha ka bor met ha Thadmukoi Nongjngi bad Mynsngat.

Ka JSM kala sam kymbor haka 22 tarik une u bnai ha Mynsngat sha ki 40 ngut ki khunswet bad ki briew kuba dunahaka bor met.

Ha kane ka jingsam kymbor ka JSM la iadonlang naduh Phresmi Suting Presdident Mynsngat Unit, General Secretary ka Unit Mynsngat Agidious Sateiñ, laioh jingkren na u Sunni Bareh, President Western Region, Ribok Biam Education Western, bad kiwie kiwei.

Ha kane ka jingsam kymbor la ioh ruh ka jingshad jinglehkai bad kiwei kiwei prokram pynbyrngia.

Ka FKJGP 12 Shnong Nongjngi Unit kala sdam kymbor sha Thadmukoi Nongjngi sha ki 36 ngut kiba don jingduna naduh ki khynnah haduh kiba la rangbah.

Ha kane ka jingsam kymbor ka FKJGP la iadonlang u MDC Nongjngi Eveningstar Teron kum u kongsan, u president Jaintia Hills Zones Tuesday Lytep, waheh shnong Khliehshnong Nongjngi ma Proning War bad kiwei kiwei.

U MDC ka thain ula iaroh iaka FKJGP 12 shnong halor ka jngshim jong ka ia kane ka sienjam ban iarap iaki briew kiba donkam jingiarap.