Sngewnguh ka shnong Mukhla Nongrim iaka Ramakrishna Mission ba wan sam mar bam

Syllad | The Rising MeghalayaJune 14, 2021

Ka Shnong Mukhla Nongrim kala pynpaw iaka jingsngewnguh kaba khraw iaka Ramakrishna Mission Ashrama, Sohra halor ka jingwan theh jingiarap jong ka lyngba ka relief camp da kaba sam ia u khaw bad u dai sha ki ba bun ki longiing ha Mukhla Nongrim haka sngi Thohdieng ka taiew bala dep.

Ha kane ka jingsam marbam ka Ramakrishna la iadonlang u Standby Me Sari u dkhot shnong bad ula ai khublei ia u Manbha Lyngdoh uba lyngba jong u la wan hiar ka Ramakrishna ban sam ia kine ki mar bam.

U Standby Me ula ong kane ka jingsam marbam ka Ramakrishna kala wanrah jingmyntoi ia ki longing ba duk khamtam ha kum kane ka por ba don ka lockdown ban iakhun iaka jingpang khlam COVID-19.

Ka Mukhla Nongrim ka kitbok kitrwiang ia u Manbha Lyndgoh uba dei peit iaka relief camp sha kane ka thain bad ia u Maharaj ban kin ioh ka met ka phad kaba koit ba khiah bad kin nang lah shuh shuh ban theh ia kum kine ki jingiarap sha ki briew kiba duk ba kyrduh.