Sam mar bam ka SBYWA sha ki saw shnong ha khappud India Bangladesh

Syllad | The Rising MeghalayaMay 15, 2020

Ka Southern Border Youth Welfare Association (SBYWA) Elaka Rymbai & Lakadong, East Jaintia Hills district haka jinglamkhmat u Niyo Biam,Assistant General Secretary ryngkat ka jingiadonlang ki dkhot u Itbhamiki Rymbai, nongaibuit ka seng u E Lamare ki la hiar sha ki shnong khappud India Bangladesh ha East Jaintia Hills ban sam mar bam sha ki nongshong shnong haka sngi Palei.

Kine ki mar bam bala sam ka SBYWA ki kynthup ia u khaw, u dai bad ka umphiang bam sha 54tylli ki longing ba duk ha ki saw tylli ki shnong  kynthup Lama, Natbor, Borkhat bad kumjuh ha shnong Kwator, ki shnong kiba don ha khappud ka India Bangladesh.

Baroh ki nongialam shnong jong kitei ki saw shnong kila pynpaw ia ka jingsngewnguh bad kitbok kitwriang ia ka SBYWA halor kane ka jingsynniang mar bam jong ka sha u paidbah kiba shah ktah haak lockdown ban iakhun iaka khlam COVID-19.