Sam mar bam ka Wahiajer Mission Centre ha ka shnong Myngor

Syllad | The Rising MeghalayaJune 11, 2020

Ka Wahiajer Mission Centre, jong ka KJP Synod Mihngi kala leit ban sam mar bam sha ki 40 tylli ki longïing haka shnong Myngor, West Jaiñtia Hills District haka sngi Balang

Ha kane ka jingleit sam mar bam la ïalam khmat da u Rev L Manner uba long u Field secretary ha ryngkat Rev K Pariat Chairman bad ki Bible tract kila leit ban sam da u khaw bad kiwei ki mar bam nalor ki mask, sabon sha ki nongshong shnong ka Myngor kiba hap haka balang presbyterian Myngor, West Jaintia Hills District.

Shuwa ban sam ïaki mabam kala don ka jingialang kaba lyngkot. La ïoh jingkren na u pastor L Manner ka jingkren lyngkot na u Tbn E Laloo dkot ka Wahiajer Mission centre bad jingduwai na u  pastor K Laloo, pastor incharge ka shnong Saitsama.

Kiwei kiwei kiba iadonlang ki kynthup ïa u Rev PS Vaichei, Field Secretary ka Arunachal Mission Field jong ka KJP Synod Mihngi, LT Gothang, Secretary ka Balang Myngor.

Ka Balang Presbyterian Myngor kala pynpaw ïaka jingsngew ïaka Wahiajer Mission Centre, KJP Synod Mihngi kiba la mih shakhmat ban ïarap ïaki nongshong shnong ka Myngor ha kum kane ka por jong ka shitom saja, kaba iakynduh jingeh ki nongshong shnong naka jingkhang khyrdep kaba la pynjari ha baroh kawei ka ri ban iakhun iaka khlam covid-19.