Sam marbam ka KSU Jaintia Hills sa haka shnong Moodymmai

Syllad | The Rising MeghalayaMay 27, 2020

Ka Khasi Students’ Union (KSU) Jaintia Hills District Unit (KSU-JHDU) kala bteng ban kner ïala ka kti jingiarap jong ka da kaba sam da ki marbam sha ki longing kiba shah ktah haka lockdown ne ka jingkhang khyrdep ban ïakhun pyrshah iaka khlam COVID-19.

Ka KSU-JHDU ha kane ka kynti da ka jingiatreilang ka KSU Moodymmai Unit kala sam da u khaw sha ki 78 tylli ki longing haka shnong Moodymmai haka sngi ba Ar.

Shuwa ban sam ia une u khaw sha kitei ki longiing la don ka jingialang kaba lyngkot ba pyniaid da u Assistant Waheh Shnong Moodymai Khro Passah.

La ioh jingkren na u Rangbah Dong ka Dong Lumsabah Ma Bisward Passah, u Cherity Suja, General Secretary ka KSU Jaintai Hill District, u Shiningstar Kharbihkhiew president ka KSU Mawryngkneng Circle uba long ruh Education Secretary ka KSU CEC.

Kiwei kiwei kiba kren ki dei u SS.Niangti dkhot ka KSU CEC, ki nongialam ka KSU Moodymmai Unit Binus Syngkon Vice president bad u General Secretary Donald Rymbai bad la ioh ruh ka jingduwai na u Tbn Shanbor Pariat.

Ka KSU kala sam ia khaw ha kylleng ka Rilum Jaintia bad kane ka dei kum shibynta ban kyrshan ïaka sorkar haka jingiakun pyrshah iaka khlam COVID-19. Ki nongialam ka KSU kila pynpaw ba kane ka jingiarap ka jong ki da ki mar bam sha ki paidbah kalong ban iarap iaki para briew kiba kynduh jingeh haka jingkhang khyrdep iaki shnong ki thaw ban tem iaka jingpur ka khlam.