Sam marbam ka KSU sa haka shnong Khliehriat

Syllad | The Rising MeghalayaMay 31, 2020

Ka Khasi Students Union (KSU), Khliehriat Circle,East Jaintia Hills haka sngi Saitjain kala sam marbam haka shnong Khliehriat East.

Haduh 76 tylli ki longïing ha ka Shnong Khliehriat East, kila ioh myntoi na kane ka jingsam marbam ka KSU, Khliehriat Circle.

Kane ka jingsam marbam ka KSU ka dei kum shibynta ban iarap iaki nongshong shnong ka Khliehriat East kiba shah ktah haka lockdown hadien ba kim ioh ka lad ban leit bylla ban pyndap pynbiang marbam ha ki iing ki sem jong ki Ha kane ka jingsam marbam ka KSU la iadonlang ki nongialam jong ka naduh SS Niangti, Cherity D Suja, Michael Sariang, Satly S Ryngkhlem nalor kiwei kiwei ki dkhot bad nongialam ka KSU Khliehriat.

U Waheh Shnong Khliehriat East, u ma Kedius Rymbai bad u ma A Lyngdoh, Secretary Shnong Khliehriat East ryngkat bad ki rangbah dong jong ki 7 tylli ki kyntoit kiba hap hapoh ka jingpeit jong ka Dorbar Shnong Khliehriat East ki iadonlang.