Sam marbam ka Ramakrishna Mission ha Ialong

Syllad | The Rising MeghalayaJune 4, 2021

Ka Ramakrishna Mission, Sohra haka jingïalam u Swami Anuragananda uba long u Secretary jong ka Maharaj Ramakrishna Mission Ashrama, Sohra, East Khasi Hills District kala kner la kti jingïarap da kaba pynïoh mar bam kum u khaw bad dai sha ki 30 tylli ki longïing baduk ka shnong Ialong.

Ïa u khaw bad u dai ka Ramakrishna Mission kala synniang mar 25 kilo shi longiing bad ïa u dai la sam mar 4 kilo shi longïing kiba shah ktah na ka jingkhang dam ban iakhun pyrshah khlam COVID-19.

Ka Dorbar Shnong Ialong lyngba u waheh shnong T Ram Phawa kala pynpaw iaka jingsngewnguh bad ai khublei ïaka Ramakrishna Mission, Sohra kaba la kner iaki jingiarap sha kine longïing. Ka Dorbar shnong ka la kitbok kitrwiang ïaka Ramakrishna Mission, Sohra ba kan nanglah ban ai jingshakri khambha ïaka ri bad jaitbynriew.