Sam marbam ka Ramakrishna Mission Sohra ha Sohphoh, sngewnguh ka shnong Sohphoh

Syllad | The Rising MeghalayaJune 22, 2021

Ka Ramkrishna Mission Sohra kala kner la ka kti jingiarap jong ka da kaba sam marbam sha ki nongshong shnong ka Sohphoh, West Jaintia Hills District haka 19 tarik une u bnai.

Ia kine ki marbam la sam haka jingialam u Manbha Lyngdoh ba dei peit ia ka Ramakrishana Mission ha Jaintia Hills. La sam ei ia u khaw bad u dai sha ki 40 tylli ki long iing ba duk ha ka shnong Sohphoh.

U Waheh Shnong Sohphoh, Bah Mutshwa Thabah ula pynpaw ka jingsngewnguh iaka Ramakrishna Mission kaba la noh synniang sha ki briew ba duk ha kum kane ka por ba ki briew ki kynduh jingeh naka daw ka jingkhang dam naka khlam Covid-19. Na ka liang ka shnong ka ai ka jingkitbok kitrwiang bad kyrkhu kyrdoh iaka Ramakrishna Mission ba kan nang iaid shakhmat ha ki kam ki jam jong ka.