Sam marbam ka SBYWA sha lai tylli ki shnong ha East Jaintia Hills

Syllad | The Rising MeghalayaMay 7, 2020

Ka Seng Southern Border Youth Welfare Association (SBYWA) ,Elaka Rymbai & Elaka Lakadong,East Jaintia Hills District,hapoh ka jingialam u Namphrangmi L Talang, General Secretary bad ki dkhot ka SBYWA kila iai bteng kner la ka kti ban ai jingiarap da ki mar bam kum u khaw, dai bad ka umphniang sha ki lai tylli ki shnong ha katei ka thain.

Kine ki lai tylli ki shnong kiba ka SBYWA kala sam marbam haka 5 tarik ki kynthup iaka Lakadong Umlatdoh, Ladlakadong bad kumjuh ha shnong Umlyngsha kiba don haduh 36 tylli ki longiing.

Kane ka jingiarap marbam ka synjuk ka dei kum shibynta ban iarap ïaki para briew ha kum kane ka por ba ki longing ba duk ki shem jingeh ban leit bylla namar ka jingkhang khyrdep iakhun pyrshah iaka khlam COVID-19 ha baroh kawei Ri. 

Ha kane ka jingsam marbam la iadonlang ki Waheh Shnong jong kitei ki Lai tylli ki Shnong ha kaba kila pynpaw iaka jingkmen halor kane ka jingiarap ka SBYWA.

U Namphrangmi L Talang, General Secretary SBYWA, u la ong “Ngi ai  khublei ia ki nongialam shnong kiba la jied ia ki longing ba duk bad ban pynpoi hok ia kine ki mar bam sha ki. Na kaliang ka seng ngi kyntu ia phi ban pdiang hun ia kane ka jingai ka barit ka jong ki.”

Ka seng kala kut jingmut ban iarap shuh shuh na ka por sha ka por ia kito ki longing ba duk ha kum kane ka por ba shem jingeh ki paidbah katkum ka bor jong ka seng, ong shuh shuh u Namphrangmi