Sam skhim SAG u Chairman ka JHADC

Syllad | The Rising MeghalayaMarch 1, 2021

U Chairman, Jaintia Hills Autonomous District Council (JHADC) uba long ruh u MDC ka 29-Bataw Lakadong Constituency u Dr Sankey Shangpung ula sdang ban sam iaki tiar kiba la ioh na skim SAG jong u snem 2019-20 bad u 2020-21 mynta ka sngi sha u paidbah ka thain.

Kine ki tiar ki kynthup iaki shuki bad generator kiba la sam sha ki balang bad ki shnong.

Shuwa ban aiti ia kine ki tiar la pynlong iaka jingialang ha phyllaw ka ïingmane jong ka Lad Wah Wapung haka jingialang kaba la pynïaid da u Tbn. E Sympli bad la ïoh ka jingkren na u Ngaitlang Shylla badTbn. B. Bareh.

U Dr Sankey haka jingkren ula pynpaw ka jingkmen ba ula ïoh ban ai ïaki tiar ban pyndonkam ki balang kumjuh ki shnong kiba hap hapoh ka constituency jong u kaba kum u nongmihkhmat u angnud ba baroh ki shnong ha kin ïoh jingiarap lyngba ka MDC skim.

Ha Lad wah Wapung u ma Sankey ula synniang 50 tylli ki shuki bad kawei ka generator shaka Balang Presbyterian bad ha Ïapmala la sam mar 50 tylli ki shuki shaka Balang Presbyterian bad Balang Catholic bad kawei ka generator la sam sha ka kyntoit/dong na ka bynta ban ïoh pyndonkam ka dong.

Lashai ka sngi u chairman u sam sa haka shnong Deinshalu bad Lumskhen.