Sam tiar shet u Myntri Labour sha ki 57 ngut ki samla ha Jowai

Syllad | The Rising MeghalayaJanuary 24, 2025

U Myntri ka tnad Labour, Employment & Skill Development u Shakliar Warjri haka 23 tarik ula sam iak tiar shet sha ki 57 ngut ki samla kynthei bad shynrang kiba shah hikai pyntbit ha ka kam shet jingbam kaba lai bnai.

Kine ki samla ki dei kiba shah hikai haka shlem ai jinghikai – Greta Solutions Training Academy, Loomsooiung Newhill Jowai kaba kyrshan da ka Meghalaya State Skills Development Society (MSSDS), Shillong.

U Bah Shakliar haba kren ula ai mynsiem ia ki samla kiba la dep shah hikai pyntbit ban pyndonkam hok iaka jinghikai kaba kila ioh ba kin myntoi haka lad kamai kajih. Ula ong ruh ba ka sorkar ka ai ka jingkyrshan kaba pura iaki samla bad dei na kane ka daw ba ka sdang ia kum kine ki prokram.

U kyrsmen ba ki samla kin sa khot ia u ban wan jngoh iaki jaka shet jingshet lane ki dukan hadien ba kila mih na kane ka shlem.

Ha kane ka sngi la iadonlang ka kong M. Tariang, Administrative Officer, Meghalaya State Skill Development Society Shillong, u SDO, West Jaintia Hills u ma Lambormi Suche nalor ki nongpyniaid kane ka jaka ai jinghikai.

Ki tiar kiba sam ha kane ka sngi ki dei ki Oven Machine.

.