Samoi Wa Kylla

Da Wan Hiar U Slap Sachisien Cha Pyrthai,
Sa Ka Lyer Wa Beh Na Jngai Sha Jngai.
Sa I Sur Wa Pah, Na Ki Sim Ki Doh
Ïow Pynkynmo Ïa Ki Paid Waroh.

Chadsukra Wasuk, Chadsukra Wakmen.
Ïow Sdang Baing I, U Pyntoh Pynbiang.
La Ha I Khih I Khan I Pure I Puthi,
Jar Jar I Kam Wot Ïong Nga Wa Ïong Phi.

Ki Samoi Wa Da Lai, Da Phet Da Jngai.
Wa Ki Lum Da Yiarngam, Wa Ki Wah Wa Kai.
Hai Hai Da Sep Wa Smat I Por,
To Man Ki Bru Wa Tip U Kheinkor .

Chadsukra Wasuk, Chadsukra Wakmen.
Toa Ia Khublei Kit Bok, I Ma Rkylliang
Ïow Man Soh Man Sla, I Wa Mut Wa Thmu.
Ïoh I Nang Ku, Hei Long Bru Man Bru.

Da u Edison shylla