San lak tyngka ïoh jingïarap ka San Shnong LP & UP School na u MLA

Syllad | The Rising MeghalayaJanuary 13, 2021

Ka San Shnong Lower Primary & Upper Primary School, Nongkseh ha 3rd Mile, Upper Shillong ka la ïoh ban plie ia ka building ba la shna pynheh ha ka jinglut kaba long 5 lak tyngka haka sngi ba Ar.

U Bah Hamletson Dohling, MLA ka Mylliem uba dei ruh u Myntri Sorkar Jylla ba dei peit ia ka tnad Community & Rural Development ula pynioh ia kane ka building lyngba ka skhim Special Rural Work Programme (SRWP) 2019-2020.

La plie ia kane ka iing skul da u Bah Hamletson Dohling ha ka jingiadonlang u Bah Moris Shabong, President ka School Managing Committee (SMC), Bah Everest Thangkhiew bad Bah Baswell Nongneng Shanpru, kiba dei ki dkhot jong ka SMC, i Headmistress bad ki nonghikai skul.

U Bah Hamletson Dohling, haba ai jingkren, u la iaroh ia ki nongpyniaid ka skul ki nonghikai kiba la aiti lut ïalade met bad mynsiem ban ai ka jingshakri ia ki khynnah pule bad kumjuh ban kyntiew ia ka pule puthi jong ki khynnah ka shnong bad thain Nongkseh hi baroh kawei.