San sngi ai por ka HNYF ban pynshai halor ka Toll Gate ha Ialong

Syllad | The Rising MeghalayaMarch 24, 2019

JOWAI: Ka Hynniewtrep National Youth Front (HNYF), Eastern Region, kala ai da ka dorkhat ha u Deputy Commissioner, West Jaiñtia Hills District, u CP Gotmare IAS ban pynshai kumno la buh ïaka Toll Gate ha Ialong bad la kynnoh ba kane ka jingbuh khyrdop ka ïaid lait iaka BOT Policy.

Katkum ka BOT Policy ka toll gate ka lah ban lum pisa tang ïaki kali ba iaid haka surok bypass, hynrei kaba lyngngoh mynta ba ki kali kiba iaid tang na Khliehriat ha Jowai bad na Jowai sha Khliehriat  ruh kila hap ban siew pisa ha katei ka khyrdop, la kynnoh ka HYNF.

Ki nongialam ka HNYF ba kynthup ïa u Lamsuk Langstang President, Julius Nongtdu President East Jaiñtia Zone kiwei kiwei ki dkhot ka HNYF kila ïakynduh mar khmat bad u DC ban ai ïa katei ka dorkhat haka 22 tarik une u bnai bad dawa ban ïoh jingshai hapoh 5 sngi.

Ha kane ka juh ka sngi ka HNYF  kala pan jingpynshai ruh naka bor pyniaid ka Toll Gate ha Ialong bad kila pan por ban ai ïaka jingpynshai.