Sangeh pynlong jingiaseng ban ïada na ka jingpur u Coronavirus

Syllad | The Rising MeghalayaMarch 20, 2020

Kum shibynta ban ïasnohkti lang ïaka jingai jingmut ka sorkar Jylla ka Balang Unitarian Union North East India kala rai ban pynsangeh shuwa ban pynlong jingiaseng ha ïing mane bad ha ki iing jong ki para bangiet naduh ka 19 tarik u Lber tad haduh bala pynbna da kumwei.

Ïa kane ka rai ki nongsharai balang ka Unitarian kila shim hadien b aka jingialang kaba la khot kyrpang da ka Deputy Commissioner East Khasi Hills District, kaba iadonlang ki doctor kila batai iaka jingma kaba ap na une u khniang jingpang uba pur sted bad saphriang na ki jingialum paidbah la ka long haki kam bapher bapher ne na ki jingiaseng.

Une u khniang jingpang coronavirus u pur sted bha bad ban kiar bad ban iada ialade ym dei ban iakhleh bad ialum paidbah. Donkam ban ia jngai iwei na iwei la kumno kumno 1 metre. Donkam ban sait kti da ka sabon kham bunsien bad ki Ingmane kidei ban don ia kum kine ki jaka sait kti. Ym dei ban iajan bad no bad no ruh kiba don jyrhoh bad khie shit. Ym dei ban biah pathar ha ki jaka paitbah. Tap iaka khmut bad shyntur da ka rumal lane tissue haba synriah ne jyrhoh ban iada ialade ong u

Ka ophis jong ka Senglang ha ryngkat ka jingai jingmut jong u President jong ka Senglang (Balang Unitarian) u Pastor Derick Pariat bad na ka bynta ka jingshong shngain na kane ka jingpang ba shyrkhei, ka la shim ia kane ka rai ban kyrpad iaki Balang bad para bangeit baroh ban sangeh noh shwa shi por ban pynlong iaki Jingiaseng bad ban buh ha ki jingduwai ha khmat U Blei ban pynjem iaka kane ka jingpang ha kylleng ka pyrthei.