Santosh Trophy: 22 ngut ki nongialehkai pynbna ka MFA

Syllad | The Rising MeghalayaFebruary 18, 2024

Ka kynhun ialehkai phutbol ka jylla kan mih na la iing haka 18 tarik u Rymphang ban leit ia aireng sha ka lympung ialehkai phutbol “77th Santosh Trophy” ka ban long ha ka nongbah Itanagar, Arunachal Pradesh.

Shwa ba kane ka kynhun kan mih na la iing, la pynlong ia ka jingialang kitbok kitrwiang ia kane ka kynhun, ha kaba la don lang u Secretary ka Meghalaya Football Association u bah Sunesh Syiem, ki dkot jong ka Senior Cell, u cocah lem bad ki player.

Ha kane ka kynti iakhun kaba mynta, ki don baroh 12 tylli ki jylla ki ban iaknieh ban ioh rah ia ka nam lahduh ha kane ka lympung ialehkai, ha kaba ka Meghalaya la pyniakap ia ka ha ka Group A kaba kynthup ia ka Arunachal Pradesh, Meghalaya, Goa, Assam, Services, Kerala.

Ki prokram iakhun jong ka Meghalaya kaba la rung ruh sha ka phainal jong kane ka lympung ha u snem ba la dep ka long ba kan ia aireng nygkong ia ka kynhun ka Services ha ka 21 tarik, bud pat sa ka jingiakhun pyrshah  ia ka Assam la 23 tarik, Kerela la 25 tarik, Goa la 28 tarik bad Arunachal Pradesh la 1 tarik Lber u ban wan.

Na ka liang u Bah Sunesh haba aijingkren u pynpaw ba ha kane ka kynti kumba 80% na ka 100 ki player ki dei kiba la don bynta bad ka kynhun kaba la rung shaduh ka phainal ha u snem ba la dep nalor kato katne kiwei pat ki samla.

Kine ki rangialehkai ki ban leit ia aireng ha kane ka lympung ki kynthup ia u Siwel Rymbai, u Daraphun Talang bad u Lionel Daryl Rymmei Goalkeeper, Wanboklang Lyngkhoi, Donborlang Nongkynrih, Banskhemlang Mawlong, Brolington Warlarpih, Over Kindness L Mawlai, Dawanplielad Myrdhiang bad Lukas Syngkli Defender, Babysunday Marngar, Kitboklang Pale, Nikelson Bina, Damonlang Pathaw, Dameki Khongstia, Dawanchwa Carlos Challan, Robert Khongjoh bad Baiaikara Swer Midfielder, Sheen Stevenson Sohktung, Nelson Rymbai, Shaiborlang Kharpan, Chesterpoul Lyngdoh Forward, Khlain Pyrkhat Syiemlieh Head Coach, Playerson Syiemlieh Assistant Coach, Freddy Kharpran Manager bad Lucky Mary Marbaniang Physiotherapist.