Sdang 1st Mar Phalangki Open To All Football Tournament ka FKJGP ha Nartiang

Syllad | The Rising MeghalayaOctober 30, 2021

U Ma Thombor Shiwat Chief Executive Member (CEM) Jaintia Hills Autonomous District Council (JHADC) kum u kongsan ula plie paidbah iaka 1st U Mar Phalangki Open To All Football Tournament 2021 kaba pyniaid da ka Federation of Khasi Jaintia and Garo People Nartiang Area Unit ha Madan Thad Nartiang haka sngo Saitjain.

Ha kane ka lympung ki don haduh 34 tylli ki kynhun kiba iashimbynta.

Haba sdang ia kane ka lympung ka Psadwar FC kala jop da 2-0 iaka Monjur FC.

Ha kane ka jingplie paidbah la iadonlang DS War Chief Organising Secretary FKJGP Jaintia Hills zone uba long ruh u waheh shnong Namdong-B kum u symbud kongsan, Waheh Shnong Nartiang ma Mum Phalangki, Acting Daloi ma Kloi Pale, ma Don Dhar Pator Nongpyrda, U Waheh Shnong ka Modop Ma Dawyo Dkhar bad kiwei kiwei.

Kiwei kiwei kiba iadonlang ki dei u Danny Nongrum Assistant Education Secretary Central Body bad u Wilfred Kharumnuid CEC Member FKJGP

Ka FKJGP kala ai nam ia kane ka tournament ha U Mar Phalangki, uba dei uwei na ki riew khraw uba don ka khana halor ka jingpynieng iaki mawbynna ha shnong Nartiang.

Kiba ioh iaka nam lahduh kin ioh iaka song pisa T. 2 lakh, lahduh ba ar T.1 lakh.

Haka por janmiet ka FKJGP Nartiang Area Unit ka pynlong da ka dancing competition ha community hall Nartiang bad la wan iashimbynta da ki 20 ngut ki khun samla ka thain Nartiang.

U Deimon Niang u long u nong jop bad iohrah iaka song pisa kaba T.4000, ba ar Syndong Sumer ioh iaka song pisa T.3000 bad ba lai Deiwahun Samating T2000 tyngka bad 5 tylli ki consolation prize.