Sdang ka 15th Inter School Badminton Tournament ka WJDBA 138 ngut ki khynnah ialehkai

Syllad | The Rising MeghalayaJune 1, 2022

Ka lympung ialehkai 15th Inter School Badminton Tournament kaba pyniaid da ka West Jaintia District Badminton Association (WJDBA) kala sdang naduh hynne ka sngi Balang bad kan neh saw sngi lynter ha indoor hall jong ka Chutwakhu, Jowai.

Ia kane ka lympung ki khynnah skul la pynlong biang iaka hadien bala hap ban pynsangeh ar snem na ka daw ka jingwan lyngshop ka khlam COVID-19 kaba la pynduh lad bha ia ki khynnah skul ban ia mih ha kine ki lympung ban ia tynjuh bor ne ban ia pyni ia la ka jong ka sap kaba ki don.

Ha kane ka kynti ki don haduh 138 ngut ki khynnah ialehkai kynthup iaki shynrang bad kynthei bad ki skul kiba wan iashimbynta ki dei kiba don ha sor Jowai bad Shangpung.

Ha kine ki saw sngi ki jingiakhun baroh kila poi haduh 202 tylli ki jingiakhun haduh ka phainal naduh ka kyrdan Under-13, Under-15 bad Under 17.

U president ka WJDBA u ma JM Pohsngap ula plie paidbah ia kane ka lympung haka jingiadonlang u general secretary WJDBA M Nongpluh haka jingialang kaba pyniaid u ma Teddy Laloo chairman ka tournament committee bad secretary tournament committee Mebanker Shullai nalor kiwei kiwei.