Sdang ka 1st Division Football League ka EJHDFA jop ka R.Shken Shynriah 

Syllad | The Rising MeghalayaNovember 2, 2022

Ka lympung ialehkai football 1^st Division Football League kaba pyniaid da ka East Jaintia Hills District Football Association (EJHDFA) kala sdang da ka namjop ka R.Shken Shynriah  da 3-0 iaka Tpep Swer, katba ka jingiakhun hadpeng ka Sutnga Mission pyrshah iaka Musniang kala kut da kaba iakhaid mar 2-2 haka jingiakhun kaba long ha madan shnong ka Moolamanoh haka sngi Balang.

Shuwa ban sdang kane ka jingiakhun la sneng la kraw iaki nongialehkai bad kitbok kitrwiang na u Ma Joshua Sajem u nongkitkam ka EJHDFA ha ka jingiadonlang ki nongialam bad dkhot ka EJHDFA u ma James Sutnga, u Welbert Nongtdu, Shining Rymbai, Shem Rymbai, Robert Biam nalor ki nongialam shnong ka Moolamanoh.

Lashai ka jingiakhun kan long hapdeng ka Lumshken Sc pyrshah iaka Diengshynrum SC haka por 12 baje mynsngi bad haka por 2 baje nohphaisngi pat kanlong hapdeng ka Ladrymbai-SC pyrsha iaka Shilliang Umshong SC.