Iakhaid ka West Madan Mustem bad ka Caroline Colony haka sngi sdang ka 2nd Div. ka WJDSA

Syllad | The Rising MeghalayaJune 27, 2022

Ka jingiakhun football hapdeng ka West Madan Mustem pyrshah iaka Caroline Colony kala wai da kaba iakhaid mar 1 kol haka sngi sdang ka 2nd Division kaba la tip kum ka 5th Debo Shullai Memorial Trophy kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka sngi Nyngkong.

Ha kane ka jingiakhun ka West Madan Mustem kala tam shuwa shakhmat lyngba ka kol kaba la thep da u Develence Shylla (28) bad kane ka kol kala neh haduh bala wai ka kylla step.

Dei haka kylla miet ka Caroline Colony kala ioh ban pynphai bad tan kylla iaka jingiakhun sha kaba iakhaid da ka kol u Famous Paslein (65).

Kine ki arliang mamla kila ioh mar katjuh ki kabu, hynrei kim lah satia ban pynkylla sha ka kol bad kila hap ban ia hun ban iasam mar 1 poiñ.

Lashai ka sngi ka jingiakhun kan long hadpeng ka Lumpariat pyrshah iaka Khliehiongriang haka por 3 PM.