Sdang ka 3rd St. Joseph’s Football Tournament da ka namjop ka Nonglamin

Syllad | The Rising MeghalayaNovember 6, 2022

Ka lympung ialehkai football ka 3rd St. Joseph’s Football Tournament kala sdang haka sngi Saitjain da ka namjop ka Nonglamin da 4-3 iaka St Joseph kaba long ha madan Shingtoi, Nongtalang.

Ia kane ka tournament la pynlong ban pynmih pisa iaka St. Joseph’s Secondary School, Nongtalang ban pynbiang iaki jingdonkam ka skul.

U MLA barim ka Amlarem ma Stephanson Mukhim ula wan plie pyrda iaka kane ka lympung kum u kongsan haka jingiadonlang u MDC ka War Central u ma Holando Lamin kum u symbud kongsan. La iadonlang u headmaster ka skul u ma Anthony Pohrmen, ki Nonghikai ka skul, ki khynnah skul nalor kiwei kiwei.