Sdang ka campaign ONORC ha Laskein bad Thadlaskein Block

Syllad | The Rising MeghalayaJuly 29, 2021

Ka Campaign One Nation One Ration Card (ONORC) ka skhim ban iarap iaki paidbah bam rashon ban ioh thied mar bam bala dep oh dor ka sorkar ha kino kino ki dukan rashon kan sdang ha Thadlaskein bad Laksein Block jong ka West Jaintia Hills District.

Ka jingthmu jong kane ka ONORC kadei ban plie lad iaki paidbah ban pynrung kyrteng Aadhaar hapoh ka National Food Security Act (NFSA) khamtam iaki longiing ba duk kiba hap haka (AAY & PHH).

Ka ONORC ka donkam ia u Aadhaar ban ithuh iaki NFSA (AAY & PHH) ha kino kino ki dukan rashon (Fair Price Shop) kiba la buh iaka kor ePos kaba ki nongbam rashon kin ioh ban thied iaki mar bam kiba la dep oh dor ha kylleng ka ri.

Kumta ka ophis u Deputy Commissioner bad ki Block Development Officer jong ka Laskein bad Thadlaskein kila pynbeit ban pynlong ia ki camp ba ki paidbah kin ioh ban pynrung kyrteng Aadhaar.

La kyntu iaki paidbah ban pynrung kyrteng haka ki shnong ne ki centre kiba la pynbeit da ka ophis u DC bad BDO. La kyntu ruh iaki nongialam shnong bad ki dukan rashon ban iatreilang khnang ba ka jingthmu kan long kaba jop.