Sdang ka CM District Level Inter School Athletic Meet u DSO Jowai 895 ngut ki athlete

Syllad | The Rising MeghalayaApril 26, 2023

Ka lympung ialehkai ki khynnah skul ka Chief Minister District Level Inter School Athletic Meet 2023 kaba lai sngi lynter kaban kut haka sngi Thohdieng kaba pyniaid da u District Sports Officer, West Jaintia Hills District kala sdang haka sngi Balang ha madan Kiang Nangbah Stadium.

Ha kane ka kynti ki don haduh 895 ngut ki nongialehkai athlete na ki 31 tylli ki skul. Ki kyrdan iakhun ki kynthu iaka Under-14, Under-16, Under-18 ba kynthup iaki shynrang bad kynthei.

Ka District School Education Officer, West Jaintia Hills District ka Kong AP Syiem kala wan ban plie ia kane ka lympung kum ka kongsan. La iadonlang u District Sports Officer u Ma Khroobok Passah nalor ki nongialam bad ki dkhot ka WJDSA.

U Ioh-I Ksan Lyngdoh u ba bat ia ka rekod haka U-16 ha Meghalaya ha ka jingialehkai Shot Put, u ba la mih khmat sha ki lympung kum ha ki East Zone Junior Athletic, National Inter District, Meghalaya Game bad u ba la ioh khur ia ka gold medal na ka Shot Put ha State Level Inter School ula lam khmat ban shim jingkular jong ki skul bapher bapher.

Ha kane ka sngi sdang ia ka lympung la pynlong ia kane ka jingiakob kum ki 100meter, Long Jump, high jump, 1500 mters ha ki kyrdan bapher bapher.

Ha kane ka snem naka liang ka office u DSO la wan rah ia relay kaba la tip kum ka Medley Relay kaba sdang mynta ka snem hapoh ka District.