Sdang ka District Level Subroto Cup u DSO Jowai

Syllad | The Rising MeghalayaJune 20, 2023

Ka lympung ialehkai ki khynnah skul- ka District Level Subroto Mukherjee Cup kaba pyniaid da ka ophis u District Sports Officer, West Jaintia Hills District kala sdang haka sngi ba ar da ka jingiakhun haka kyrdan Under-17 Boy’s bad ki skul kiba khur namjop ki dei ka Ialong SS, Laishnong HSS, Nartiang Presbyterian HSS, Achiever’s SS bad ka Ummulong Presbyterian SS.

Ia kane ka jingiakhun la pynlong ha Kiang Nangbah Stadium.

Ka namjop ka Ïalong Secondary School kala wan hadien ba kala pynliem ïaka Ladthadlaboh Secondary School da 1-0.

Ka Laishnong H/S School ka la pynliem ïaka Lumpyrtuh Secondary School da 2-1. Ka Nartiang Presbyterian H/S School ka la pynliem ïaka Khimusniang Presbyterian Secondary School da tie breaker 4-2.

Ka Achiever’s Secondary School ka la pynliem ïaka JNV School da 1-0, katba ka Ummulong Presbyterian H/S School ka la pynliem ïaka Amwi H/S School Thangbuli da 2-0.

Lashai ka sngi Balang ka jingïakhun jong ka kyrdan Under-17 Boys kan long hapdeng ka Muthlong Pioneer Secondary School pyrshah ïaka Jowai District Press. Sec School, Ïalong haka por 8.00 baje mynstep.

Ka RC Eve Sec School pyrshah ïaka Seiñraij H/S School haka por 9.30 baje mynstep. Ka Police Public Sec School pyrshah ïaka Mang Hai Ryum Sec School haka por 11.00 baje mynstep. Ka Marian Hill H/S School pyrshah ïaka Jaintia H/S School haka por 12.30 baje nohphai sngi.

Ka Jowai Press. H/S School pyrshah ïaka Trangblang Govt UP & RMSA haka por 2.00 baje nohphai sngi. Ka Police Public School pyrshah ïaka Jowai Govt. U/P & RMSA School haka por 3.30 baje janmiet.