Sdang ka District Level U-12 CM Football u DSO West Jaiñtia

Syllad | The Rising MeghalayaMarch 26, 2019

JOWAI: Haka sngi sdang jong ka District Level U-12 ‘Chief Minister Open Football Tournament’ kaba pyniaid da ka ophis u DSO, West Jaiñtia Hills District ka Laskein UP Schoool, ka Dulong bad ka Govt. LP Nongkynrih kila khur jingjop haka jingiakhun kaba long ha Kiang Nangbah Stadium, Ladthadlaboh, Jowai.

Kane ka lympung kaba la sdang haka sngi ba Ar kan kut haka 28 tarik une u bnai. Kane ka lympung ialehkai football ka dei kaba hap hapoh skim ‘Chief Minister Youth Development Scheme’.

Haba phai sha ka jingiakhun na kaliang ki shynrang, ka Dulong FC kala pynliem da 3-1 ïaka Riwar Jaiñtia Church of God SS, ka Govt. LP School Nongkynrih kala pynliem da 2-0 ïaka United Padu bad ka jingiakhun hapdeng ka United Padu FC pyrshah ïaka Lurshai Larnai SC kala wai da kaba iakhaid mar 1 kol.

Haka jingiakhun ki khynnah kynthei ka Laskein UP School kala pynliem ïaka Wahiajer SC da 1-0, katba ha ki ar tylli ki jingiakhun hapdeng ka Seng Samla Shnongpdeng pyrshah ïaka Laskein UP School bad ka Wahiajer pyrshah ïaka Seng Samla Shnongpdeng kila wai da kaba iakhaid khlem don mano mano ba ïoh pynkhih jar.