Sdang ka Independence Day Cup ka WJDSA, jop ka Dongmihsngi bad Mynthong

Syllad | The Rising MeghalayaJuly 20, 2023

Ka Dongmihsngi bad ka Mynthong kila khur namjop haka sngi sdang jong ka Independence Day Cup Under-17 Football Tournament kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka sngi Palei.

Ka Dongmihsngi kala jop da 2-0 iaka Lumchyrmang Mihmyntdu. Ia kine ki ar kol la thep da u Robert A Tang 2′ bad u Modify Sutnga 60′.

Katba ka Mynthong kala jop da 2-0 iaka Pynthor Youth Welfare. U Decently Talang 12′ bad Batskhem Dkhar 14′ kila thep mar shikol.

Lashai ka sngi Thohdieng, ka jingïakhun kan long hapdeng ka Ladthalaboh pyrshah ïaka Salaroh haka por 1.30 PM. Ka Khimusniang pyrshah ïaka Catholic Youth haka por 3 PM.