Sdang ka Inter School Athletic Meet ha Khliehriat

Syllad | The Rising MeghalayaMay 17, 2022

Ka District Level Inter School Athletic Meet 2022 kaba lai sngi kaba pyniaid da ka ophis ka  District Sports Officer, East Jaintia Hills District kala sdang haka sngi ba Ar ha madan Teilang Dkhiah West

U Deputy Commissioner, East Jaintia Hills District u Abhilash Baranwal, IAS ula long kum u kongsan haka jingiadonlang ka Stephanie. M. Rapsang, District Sports Officer, East Jaintia Hills District , Coming One Joy Tlang, General Secretary, East Jaintia District Sports Association bad kiwei kiwei

U DC haba kren ula ong ba ka kam ialehkai sports hi ka iarap iaki khynnah bad samla ban tei iaka longbriew man briew bad ka pynshlur ruh iaki nongialehkai ban don iaka thong haka jingim bad ka iarap bad ai mynsiem ban iakhun iaki sai teh sai khum haka jingim ban poi sha ka thong ban jop haka jingim.

Ha une u snem ki don haduh 23 skul kiba iashimbynta haka kyrdan U-14, U-16 bad U-18 bad ki jingialehkai ki kynthup iaka jingmareh, Discus throw, Javelin Throw, Shot Put, High Jump bad Long Jump.