Sdang ka Inter School Cricket ka SCA
SHILLONG: Ka lympung ïalehkai cricket U-17 bad U-14 kaba tip kum ka “11th Babu Ondromoni Dkhar Memorial & ka 14th I.P. Das Memorial Inter School Cricket Tournament 2019” kaba pynïaid da ka Shillong Cricket Association (SCA) kala sdang haka sngi Nyngkong ha MCA Cricket Ground, Polo.
Haba phai sha ka jingïakhun ba nyngkong eh kane ka lympung haka kyrdan U-17 ka RB Anup Chand kala jop da 10 wicket pyrshah ïaka Arya Kanya Vidyalaya School. Kane ka jingïakhun la ïakhun tang 10 over.
![](https://www.syllad.com/wp-content/uploads/2024/09/JIT-Vacancy-823x1024.avif)
Ka RB Anup Chand kaba la jop ïaka jingkynting pisa kala ai lad shuwa ïaka Arya Kanya Vidyalaya ban tied ha kaba kala kamai 76/3 na ka 10 over, katba ka RB Anup Chand tang hapoh 7.4 Over kala beh ïaka thong kaba 77 bad ka khlem liem wat tang shi wicket.
Haka jingiakhun kaba ar, ka KV Upper Shillong kala jop da 6 wkts ïaka Tender Child Secondary School. Ha kane ka jingiakhun ka Tender Child kala tied nyngkong hadien ba ka KV Upper Shillong kala ailad iaka ban tied shuwa bad kala buh ka thong kaba 92 hadien ba kala kamai tang 91 run bad liem 9 wicket naka 15 over.
Haba poi ka pali jong ka KV Upper Shillong ban beh ïa katei ka thong kala lah ban pyndep tang hapoh 12.3 over bad liem tang 4 wicket.
Haka jingiakhun kaba lai, Ka Gorkha Pathshala (Umsning) kala jop da 25 runs pyrshah ïaka BSF School. Ka BSF School kaba la jop ïaka jingkynting pisa kala ailad shuwa iaka Gorkha ban tied bad kala buh ka thong kaba 98. Kala kamai haduh 97/7 na ka 15 over. Ka BSF haba poi ka pali jong ka ban tied kala liem lut ki nongtied tang hapoh 12.4 over. Ki nongtied jong ka kila lah ban kamai tang 72 run.
Leave a Reply