Sdang ka jingpynkhreh elekshon ka UDP na Jowai, la jied iaki nongkitkam

Syllad | The Rising MeghalayaJanuary 23, 2021

Kum shibynta ka jingpynkhreh ïa ka election sha ka ïing dorbar thawaiñ ka Jylla ha u seem 2023, ka United Democratic Party (UDP) Jowai Circle mynta ka sngi ka la khot ïaka jingïalang general meeting na ka bynta jied nongkitkam ka Jowai Circle.

Ha ka jingïalang kaba la long ha Infinity Hall u MDC barim jong ka Jowai South u ma Moonlight Pariat ula pdiang sngewbha ïa baroh ki dkhot bad la ïoh ka jingkren na u ma Kitboklang Nongtdu bad u MDC barim ka Jowai North u Ma Marki Mulieh halor kumno ban pynkhlaiñ shuh shuh ïaka party hapoh ka Jowai Circle.

Ha kane ka jingïalang la jied ïa u Kitboklang Nongtdu kum u President ka UDP Jowai Circle, u Marki Mulieh kum u Vice President, u Kynsai Bareh kum u General Secretary, u Timothy Phawa kum u Assistant Secretary bad u Ma Moonlight Pariat kum u Adviser.

Nalor kata la jied ïaki nongkitkam jong ka Youth Wing ba kynthup ïa u President u Wympher (Kjam) Laloo, Vice President Da-O Toi, Secretary Mewan Pyrtuh bad Assistant Secretary Deisarmi Toi.

La thung Convener ïaka Kong S. Synkrem bad Kong EL Dkhar.