Sdang ka jingshah thngan u Bah Ardent ha Secretariat Shillong

Syllad | The Rising MeghalayaMay 23, 2023

Hadien ba phiel sorkar jylla, ka MDA-2 hapoh ka jingialam ka National People’s Party (NPP) ban iakren iaka State Reservation Policy ne ka bhah thung kam thungjam, u nongialam ka Voice of the People Party (VPP) u Bah Ardent Miller Basaiawmoit ula sdang iaka jingshah thngan kaba khlem buh por kaba la sdang haka sngi ba Ar ha khmat ka khyrdop jong ka Secretariat, Shillong.

Ka jingrai shah thngan u Bah Ardent kalong hadien ka jingialang jong baroh ki seng sain pyrthei kaba long ha ka 19 tarik ka taiew kaba la dep kaba la iakren tang na ka bynta ka Roster System ne ka jingpynbeit ryntih iaka bhah thungkam thung jam kaba la phiel ban iakren iaka Reservation Policy.

Kane ka jingialang kala iakren tang iaka Roster bad kala thaw da ka committee ka ban khlieh da ka Kong Ampareen Lyngdoh.

Kane jingbym kloi ka sorkar ban iakren iaka Reservation Policy, kala pynbitar ia u nongialam ka VPP bad ka seng baroh kawei kaba la dawa ban khyllie ne khmih biang iaka reservation policy ka Jylla.

Pule | Thaw ka sorkar daka Committee halor ka Roster System pynsangeh iaki jingthungkam

Haba kren haka sngi sdang ka jingshah thngan ba khlem buh por, u bah Ardent u la ong ba kum ba ka VPP ka kular ban ia khun ha duh ban da jop ka jingdawa ban khyllie ne khmih biang iaka reservation policy.

Ha kane  ka sngi la wan ban synran lang da ki nongialam ka party ryngkat bad ki sengbhalang.