Sdang ka KSU Wapung ïaka 1st (L) Lurshai Hynñiewta Knock out 7-A-Side Football

Syllad | The Rising MeghalayaApril 4, 2021

Ka Khasi Student Union (KSU) Wapung Unit ka la sdang ïaka lympung ïalehkai kaba tip kum ka 1st (L) Lurshai Hynniewta Knock out 7-A-Side ha madan ïalehkai ka dong Moopynïein, Wapungskur haka sngi Saitjaiñ.

Ïa kane ka lympung la wan ban plie pyrda ïaka da u Cherity Suja Secretary KSU Khliehriat Circle haka jingïadonlang u Shnong ka Wapung Skur u Satly Ryngkhlem, u Cheerful Ryngkhlem uba long u Chairman ka dong Moopynïein, u Damewanhi Rymbai ki dkhot ka KSU bad ki riew rangbah ka shnong.

Ha kane ka jingïalehkai la wan iashim bynta da ki 16 tylli ki kynhun ka thaiñ East Jaintia bad kane kut haka 17 tarik une u bnai.

Ka kynhun lahduh ha kane ka lympung kan ïoh ban khur ïaka song pisa kaba 9 hajar tyngka katba ka kynhun shah rem kan ïoh ïaka song pisa kaba 5 hajar tyngka.

Haba phai shaka kynta ïakhun haka sngi sdang ka Ïatyllilang Football Club ka la pynliem ïaka MPUF Wapung Unit da 5-2 kol.