Sdang ka lympung ialehkai cricket ka Mowkaiaw da ka nam jop ka Knight Rider bad ka Super King

Syllad | The Rising MeghalayaFebruary 8, 2021

Ka T20 Cricket kaba pynlong da ka 4-Mowkaiaw United- Ka “1st Mowkaiaw Constituency Premier League Cricket Tournament 2021” kala sdang haka sngi Saitjain da ka nam jop ka Knight Rider bad ka Super King ha madan ialehkai ka shnong Mukhap.

Haka jingiakhun ba nyngkong  hapdeng ka Knight Rider pyrshah ia ka Indian, ka Knight Rider kaba la tied shuwa kala buh ka thong 185/6 na ka 20 Overs.

U Mardawanbiang Suchiang ula kylla long u namtam da synniang haduh 86 run sha u sup thiar kamai run jong ka Knight Rider. U Bundaki Lathong 37 bad Kaidamang Dkhar 21

Na kaliang ki nongkawang bol ka Indian kila khur mar shi wicket Pyni Tang, Ardakirang Shilain Tang, Wanpoi Lyngdoh bad u Deo Tang.

Haba la poi ka pali ka Indian kala liem 8 wicket bad kama 171 na ka 20 over. U Rangeimi Lapasam 60 run Wanpoi Lyngdoh 44 run

Kiba ioh khur wicket na ka Knight Rider u Mardawanbiang Suchiang 4 wicket, u Balam Shadap 3 wicket, Theovan Lapasam  bad Kaidamang Dkhar mar shi wicket.

Ka nam Man of the Match bad Most Sixes la ioh khur da u Mardawanbiang Suchiang 86 bad khur 4 wicket.

Ha kawei pat ka jingiakhun ka Super King ka jop ia ka Sunrise da 24 runs.

Ka Super King ka buh iaka thong kaba 189/6 na ka 20 overs. U  Jevelin Shadap ula kama 92 run, u Kitbor Lyngdoh 37 bad u Markini Lathong 24

U nongkawang bol ka Sunrise u Baniengskhem Laloo ula khur 4 wicket marwei.

Ka Sunrise haba la wan beh iaka thong kaba la buh da ka Super King kala kamai 165/10. U Buhti Shadap ka Sunrise ula kamai run 66, u Cheini Wet 35 bad u Arkirishot Phadong 16.

U Pynishai Lathong 4 ula khyrwit 4 wicket, Eleazer C Dkhar 2 wicket bad Kitbor Lyngdoh 2. Iaka nam Man of the Match bad Most Sixes la ioh rah da u Jevelin Shadap.

Kane ka lympung kanlong biang ha 20 tarik u Rymphang hapdeng ka Royal Challenger pyrshah ia ka Knight Rider bad ka King XI pyrshah iaka Super King.