Sdang ka lympung ialehkai football ka Tyrsad Area Sports Association

Syllad | The Rising MeghalayaAugust 26, 2023

Ka Tyrsad Area Sports Asoociation (TASA) haka sngi Saitjain ka la plie iaka pyrda iaka lympung ialehkai phutbol kaba kynthup iaka kyrdan iakhun jong ka First, Second, Third  Division, ia kaba la pynlong ia ka ha madan Sohjhursaw, Tyrsad.

Haka First Division ki kynhun kiba la ioh ban iashim bynta baroh ki long 12 tylli, ha ka Second Division 10 tylli bad Third Division ban pyniakhun iaka ha ka dur ka knockout ba don ym duna ia 33 tylli ki team.

U Kongsan ba la wan ban plie ia ka pyrda kane ka lympung ialehkai dei u bah  Dlipstar Rani ba dei Principal jong ka Tyrsad Higer Secodary School, ha kaba la wan ban ia sakhi lang da u Lyngdoh ka Hima Lyngiong, ki nongialam jong ka HYC, KSU, FKJGP Tyrsad,  bad ki nongkit kam jong ka shnong.

Ia ka Tyrsad Area Sports Association la sengi a ka ha u snem 2007 bad ba ka la ioh ia ka jingithuh na ka Meghalaya Football Association ha u snem 2012, kaba naduh ka snem ba la sngi ia ka bad ithuh da ka MFA, kane ka synjuk ka la lah ba kan iai pynlong ia  kine ki lympung ialehkai khlem sangeh.

Ha shwa ban sdang jong ka jingialehkai, la ioh ruh ia ki jingkren na ki riew pawkhmat bad khamtam na u Preisdent ka TASA u bah Phelenstar Rani, katba ia ka jingialang la pyniaid da u bah R A Rangslang General Secretary TASA.

Ka jingialehkai sdang ka long haka kyrdan First Division hapdeng ka Umkseh SC pyrshah ia ka Nongspung ‘AYSC, SA, ha kaba ka jingiakhun kala kut noh ha ka jingiakhaid bym shym la don sati aba lah ban ia pynkhih ia ka jar.