Sdang ka Open Volleyball Tournament u DSO Jowai

Syllad | The Rising MeghalayaOctober 15, 2024

Ka ophis u District Sports Officer (DSO), West Jaintia Hills District haka 14 tarik Risaw kala sdang iaka lympung ialehkai kaba tip kum ka ‘Open Volleyball Tournament’ ha madan Biar, Pohskur.

Ha kane ka lympung ialehkai la wan shim bynta 9 tylli ki kynhun kynthup ka Chilliangraij Sports Club, Ladthadlaboh Sports Club, Madankynsaw Knorsyiem A, Lion Mission Compound, Knorsyiem Veteran FC, Lion Sports & Youth Affairs, Rising Star, Kiang Nangbah Govt. HS School bad Northeast Adventist University.

Kane ka lympung ka long shibynta ka jingpynkhreh iaka lympung ialehkai baheh ka jylla ka Meghalaya Games 2025.

Haba phai shaka jingiakhun, ka Chilliangraij kala pynliem iaka Ladthadlaboh da 2-0. Ka Madankynsaw Knorsyiem A kala pynliem iaka Lion Mission Compound da 2-0.

Ka Knorsyiem Veteran FC kala pynliem iaka Lion Sports & Youth Affairs da 2-0. Ka Rising Star kala pynliem iaka Chilliangraij da 2-1.