Sdang ka Panaliar da ka prokram pynkhuid shnong baroh shi snem

Syllad | The Rising MeghalayaAugust 10, 2020

Ka Dorbar Shnong Panaliar kala sdang da ka prokram pynkhuid shong baroh shisnem kaba la tip kum ka “Yearlong Cleaning Drive halor phang “To fight against COVID-19”.

Ïa kane ka prorkam la sdang naduh ka Sngi U Blei ha kaba ki khun jong ka shnong Panaliar ha ryngkat ka Village COVID-19 Management Committee bad ka Village Defence Party (VDP) kila pynlong iaka jingpynkhuid shnong.

U Careme Phawa General Secretary Panaliar ula pyniaid iaka jingialang plie iaka prokram. La ïoh ki jingkren lyngkot na u Waheh Shnong Panaliar u Riquoma Rq. Laloo ha kaba ha kane ka jingïalang la wan shim bynta tang katto katne ngut ki dkhot ka Executive Members bad dkhot VDP.

U Riquoma Rq. Laloo haka jingkren ula pynsngewthuh halor ka jingkongsan ka jinglehkhuid haka jingim jong u briew khamtam ha kine ki por kumno ban ïada ïa u khñiang Corona.

Ula ïaroh ïaka Village COVID-19 Management Committee lyngba ka jingkyrshan ka Executive Committee jong ka Shnong ka la lah ban pynïaid shakhmat ïaki kam.

“Lada ym don ki nongïalam ka VDP kiba ïohi jngai ngin ym poi pyrkhat ïa kane ka Yearlong Cleaning Drive”.

Ula ai khublei ïa baroh ki dkhot VDP naduh u President, Secretary, ki nongialam shnong bad baroh ki nongshong shnong.

U Rijukki Rymbai, Vice President, VDP Panaliar u la kyntu ïa baroh ki nongshong shnong ban pynkhuid ïa la ki jong ki phyllaw, ki rud ki kiar kumjuh ki lynti synkieng hajan iing jong ki shisien shi taïew ban iakhun iaka khlam COVID-19 bad ban pynneh iaka khuid suba ka shnong.