Sdang ka shnong Panaliar iaka taiew lehkmen

Syllad | The Rising MeghalayaDecember 26, 2024

Ka Dorbar Chnong Panaliar Jowai kala sdang iaka taiew lehkmen haka 25 tarik Nohprah, ka ban pynkut pat haka 1 tarik K’Lyngkot 2025 kum shibynta ban ai khublei ia u snem barim bad ban pdiang ia u snem thymmai.

Ka mat pdeng jong kane ka jinglehkmen ka long: Ka SAP – Ka Luti Ya Ka Mynried.

Shuwa ban sdang la don ka jingialang kaba lyngkot kaba pyniai da ka Leda Sumer, Chairperson Seng Kynthei. U Ma Khroobok Passah, Assistant Director Sports & Youth Affairs bad District Sports Officer, West Jaintia Hills ula long kum u kongsan.

U Waheh Chnong Dorbar Chnong Panaliar Ma Riquoma Rq. Laloo ula ong ba kane ka taiew lehkmen ka long ban plie lad iaki samla samhoi ban pyni iaki sap ki phong jong ki bad la kyntu ia baroh ki khun ka shnong ban shimbynta ha kane ka jinglehkmen

U kongsan ma Khroobok haba kren ula ong ula iaroh iaka shnong Panaliar kaba shim ia kane ka sien jam ban plie lad iaki samla ym tang ha ka jingialehkai sport hynrei ha kiwei kiwei ki prokram kaba ki samla, ki khynnah ki ioh lad ban pyni iaka sap phong jong ki.

Ula iathuh iaka jingwan ka Meghalaya Games ha Jowai bad kyntu ia baroh ban iasnohkti lang ban pdiang burom ia baroh ki district ba wan iashimbynta ha kane ka lympung bah ka Jylla.

Kum ka jingsdang jong kane ka taiew lehkmen la don ka Kids Fashion Show, nalor ka Dancing Competition, bad kiwei kiwei.