Sdang ka St. Mary Mazzarello Girls HSS ia ka website

Syllad | The Rising MeghalayaJuly 3, 2020

Ka Additional Deputy Commissioner, West Jaintia Hills District ka kong Rimaya S Manner kala pyllait paidbah iaka website jong ka skul St. Mary Mazzarello Girls Higher Secondary School haka sngi Thohdieng.

Ha ka jingpyllait paidbah ia kane ka website http://stmarymazzarellojowai.in/ la iadonlang ka kong Ida Rymbai District Informatic Officer, National Informatics Center West Jaintia Hills District, Sister Madona Lytep Principal, Sister Isabella Suja kaba long ka Former Provincial of Shillong Province bad Former Secretary jong ka Skul, Omprakash Yadap u nongsain dur ia ka website.

Ka kong Manner kaba leit skul ha katei ka skul kala ai ka jingiaroh iaka Principal jong ka skul, ki nonghikai bad baroh kila iabeh sha kane ka juk ban pyndonkam iaka internet badn shna iaka website ban sam jingtip sha ki kmie ki kpa nalor ba kan iarap ruh iaka bor pyniaid ka skul siew ban tda iaki bai skul bad kiwei kiwei.

“Ngi im ha kane ka juk jong ka technology kaba da ka pyndonkam iaka internet ngi ioh shibun ki jingtip,” la ong ka kong Manner bad kala bynrap ba ka bor pyniaid jong ka skul kan pyndonkam ia ka website ban sam jingnang jingstad sha ki khynnah skul lyngba kane ka website ha kum kane ka por ba shah ktah bad ba hap ban shongiing haka jingiakhun pyrshah ban iaka khlam COVID-19.

Ia ka jingialang kaba mynta ka sngi la pyniaid da u Terence Sawain uba long u nonghikai ka skul, bad la ioh ia ki jingkren ai khublei na u bah Paulinus K nonghikai nalor ki katto katne ki kmie bad ki khynnah skul.