Sdang ka State B Chess Competition ba ar sngi ha Jowai
Ka Jaiñtia Hills District Chess Competition cum State ‘B’ Tournament 2024 kaba pyniaid da ka Jaiñtia Hills District Chess Association (JHDCA) kaba ar sngi kala sdang ha Thomas Jones Synod College, Jowai.
La wan ban plie paidbah ia kane ka jingiakop da u ma Teiwansa Challam kum u kongsan haka jingialang kaba pyniaid da u president JHDCA u Ma Paia Lhuid.
U ma Challam ha ka jingkren jong u, ula pynshlur ia ki khynnah kiba wan iashimbynta ha kane ka jingiakop ban trei shitom bad ban pynleit jingmut bha ha kane ka jingialehkai kaba dei ka jingialeh da ka bor jabieng.
Kiba jop na kane ka jingiakop kin ioh ha kaban mihkhmat iaka district sha ka State Championship.
Ha kane ka jingiakop ki don haduh 93 ngut ki nongiashimbynta ba kynthup na West Jaintia Hills District bad and East Jaiñtia Hills District. Na kine ki 93 ngut 37 ki dei ki khynnah skul.
La phiah iaki jingialehkai ha ki 7 kylla, ha kaba ka sngi nyngkong la pynialeh lai kylla. Kiba tam yn pyndep lashai ka sngi pynkut 8 tarik Jylliew.
Facebook
Instagram
Youtube
Twitter
Leave a Reply