Sdang ka Subroto Cup ha West Jaintia Hills

Syllad | The Rising MeghalayaJune 10, 2024

Ka lympung ialehkai ki khynnah skul kaba tip kum ka “District Level Inter School Subroto Cup 2024” bala pyniaid da ka ophis u District Sports Officer (DSO), West Jaintia Hills District kala sdang haka 10 tarik Jylliew ha madan Kiang Nangbah Stadium Jowai.

Ha kane ka lympung ialehkai la wan iashim bynta haduh 61 tylli ki skul bapher bapher ka District kynthup 28 tylli haka kyrdan Under-17 Boy, 24 tylli haka kyrdan Under-15 Boys bad 9 tylli haka kyrdan Under-17 Girls.

Haka sngi sdang ka jingiakhun kala long tang jong ka kyrdan Under-17 Boys ha kaba ka Mihmyntdu Sec School kala pynliem iaka Jaintia HS School da 3-0. Ka On and On English School Ummulong kala pynliem da 7-0 iaka Che’s Star HS School.

Ka Laishnong HS School Nongbareh kala pynliem iaka Marian Hill HS School da 5-4 lyngba ka tie breaker. Ka St Dominic HS School kala pynliem iaka Govt. Senior Basic RMSA School Bakur da 7-1. Katba ka Seinraij HS School kala pynliem iaka Khasi Pnar Sec School da 2-1.