Sdang ka Third Division Football Tournament ka WJDSA, jop ka Da-i hi, Mookyrdup bad ka Riatsaliya

Syllad | The Rising MeghalayaJuly 15, 2024

Ka lympung ialehkai 3rd Division Football Tournament- ka 4th U Adelbert Laloo Memorial Trophy kaba pyniaid da ka West Jaintia District Sports Association (WJDSA) kala sdang haka 15 tarik Naitung ha madan Kiang Nangbah Stadium, Jowai.

Ka resol kaba mih ha ka sngi sdang kane ka jingialehkai kalong ba Da I hi, Riatsaliya, Mookyrdup, katba ka Ksehsylle Ialong bad ka FAM kala kut da kaba iakhaid mar 1-1.

Haba phai sha ka jingiakhun, ka Da-ihi Mynsngat kala pynliem iaka Chyrmang wah da 3-0. Ia kine ki kol la thep da u Deepson Takbi haka minit kaba 11 & 32 bad u Daioshwa Siangshai haka minit kaba 25.

Haka jingialehkai kaba bud ka Riatsaliya kala pynliem iaka Lumchyrmang da 2-0. Ia kine ki kol jong ka Riatsaliya la thep da u Ioh hi Chyrmang haka minit kaba 29 & 54.

Haka jingialehkai kaba lai ka Mookyrdup kala pynliem iaka Newhill da 3-0. Ia kine ki kol la thep da u Deliverance Plain haka minit kaba 27, u Diwborn Taiang haka minit kaba 46 bad u Banda i Ryngki haka minit kaba 56.

Ha ka jingialehkai kaba khatduh kaba la kut noh da kaba iakhaid hapdeng ka Ksehsylle, Ialong pyrshah iaka FAM mar 1-1 kol. Na kaliang ka Kseh Sylle la thep da u Chalet Phawa haka minit 9 katba iaka kol jong ka FAM la thep da u Meshami Nongrum haka minit kaba 52.