Sdang ka Veteran Football ka EJHDFA

Syllad | The Rising MeghalayaOctober 25, 2023

Ka jingialehkai football 1st Open to All Veteran Football Tournament kala sdang da ka namjop ka 12-Dolloi FT bad ka Ar Dolloi FT haka sngi Balang.

Ia kane ka jingialehkai la pynlong da ka East Jaintia Hills District Football Association (EJHDFA) ha madan artificial turf ha Diengshynrum, Khliehriat.

Haka jingiakhun ka kaba nyngkong ka 12 Dolloi Football Team ka la pynliem da 1-0 iaka Old Star Football Team. Ia kane ka shikol la thep da u Golden Mukhim 27′.

Haka jingiakhun kaba bud ka Ar Dolloi Football Team ka la pynliem da 3-1 iaka EJHTOTA.

Na kaliang ka Ar Dolloi, u Swellmon Shylla ula thep ar kol haka 36′, 41′ bad u Erick Dkhar shikol 52′. Katba ka shikol jong ka EJHTOTA la thep da u Deolangki Dkhar 8′.

Ia kane ka lympung ialehkai la plie iaka da u General Secretary ka EJHDFA u Coming onejoy Tlang haka jingdonlang u Waheh Shnong Diengshynrum u Wilbert Nongtdu  ki dkhot nongkitkam ka Association bad kiwei kiwei ki riew rangbah ka thain.