Sdang saphriang ki kam khaii drok sa sha Garo Hills, shah kem ka longkmie ryngkat u drok Heroin ha NGH

Syllad | The Rising MeghalayaSeptember 17, 2023

Lehse jan man ka sngi la sakhi ia ki khubor kiba iadei bad ka jingioh kurup drok na ki district bapher bapher kiba hap hapoh Khasi Jaintia Hills, hynrei kham niar ban iohsngew ha kaba iadei bad ka jingioh kurup drok na ki bynta jong ka Garo Hills, hynrei ka jingshah kem jong kawei ka longkmie na North Garo Hills ha ryngkat u drok heroin uba don 23.93 gram ka pyni bad une u jait jingdih u la sdang ruh ban saphriang sa sha ki bynta jong ka Garo Hills.

Kane ka longkmie kaba la shah kem noh ha ki pulit na ki bynta jong ka NH51 Kosichora kaba hajan Bajengdoba Police Station ha kane ka sngi Saitjain kadei kaba la tip kyrteng kum ka Dellina Ch Sangma.

Hadien kane na ka liang ki pulit ki la rejistar case pyrshah ia kane ka longkmie ha ki kyndon kiba iadei bad ki kam khaii drok.