Sdang World Environment Week ka Bharat Scouts and Guides WJH

Syllad | The Rising MeghalayaJune 4, 2021

Ka Meghalaya Bharat Scouts & Guides West Jaintia Hills District kum shibynta ka jingrakhe pyndonburom iaka World Environment Day (WED), haka sngi Thohdieng kala sdang ia ka prokram kyrpang ba shitaiew lynter ba la tip kum ka World Environment week bad ka ban kut ha 10 tarik jong une hi u bnai.

Haba sdang ia kane ka prokram ladon ka jingialang ba lyngkot ha kaba la iadonlang  ki nongkitkam ka Meghalaya Bharat Scouts & Guides, West Jaintia Hills ba kynthup ia u District Secretary ma Ohiwot Laloo,  Jt. District Secretary Adiam u Bthuh, District Organiser Scouts ma Elvis Dkhar bad District Organiser Guides kong S. Shylla.

U Ohiwot Laloo, District Secretary MBS&G, West Jaintia Hills haba kren, u la iathuh ba ka jingpynlong ia kane ka prokram mynta u snem ka long kaba khampher namar ba kim iohlad shuh ban pynlong ki prokram kum ha kip or mynshwa, hynrei wat la kata ruh u khmih lynti ba ka jingshim ia kane ka sienjam kan long ka nuksa babha ia kiwei ki nongshnongshnong ba kin iashimbynta shitrhem ha la ki jong ki jong ki iing ki sem ban rakhe ia ka World Environment Day da kaba thung ia kino kino ki jait jingthung kat kum ki rukom ba ki lah ban leh ha la I jong I jong I bor I barit eh.