Sei ka Namdong da u Damian S War kum u kyrtong MDC na Mynsngat Khanduli

Syllad | The Rising MeghalayaDecember 19, 2024

Ki ar tylli ki dorbar shnong kata ka Namdong A bad bad ka Namdong B da kawei ka sur kila rai ban sei ia u Damian S War kum u kyrtong MDC na ka 10 Mynsngat Khanduli MDC Constituency sha ka elekshon MDC ka Jaintia Hills Autonomous District Council (JHADC) kaban long haka 21 tarik Rymphang 2025.

U Damian S War u dei uba bat ia ka kam Waheh Shnong ka Namdong B bad uba long ruh kum u president ka FKJGP, West Jaintia Hills.

Ia kane ka rai la pynbna paidbah haka jingialang kaba long ha ka 19 tarik Nohprah ha phyllaw ka Dorbar Hall Shnong Namdong “B” bad da kawei ka sur ki paidbah nongshong shnong kila mynjur ban ai ka jingkyrshan ia u Damian S War ban long kum u kyrtong MDC sha ka elekshon JHADC na katei ka thain.

Ha kane ka sngi la ia don lang naduh u MDC u Dawan Lyngdoh, Ma Lambor Lyngdoh Waheh Raij Namdong, Isidol Pakma Secretary Raij Namdong Ma Arki Sumer Waheh Shnong ka Namdong A, Asst. Waheh Shnong Namdong B, ki Dkhot Shnong na baroh arliang ki Dorbar Shnong, ki Nongialam Shnong na ki Shnong kiba marjan naduh Waheh Shnong ka Lumrot, Nobel Ryngkhlem, Ma Chalbi Siangshai Assistant Waheh Shnong Madanratiang ryngkat bad ki paidbah ka thain kiba la mih ryntih ban ia rai lang ia kane ka kam MDC naka 10-Mynsngat Khanduli constituency.

Ia kane ka jing ialang la pyniaid da u Ma Linus Pale uba dei ruh u Chairman ka Raij Namdong, ha kane ka sngi lah ioh ka jing kren na kiba bun ki riew rangbah shynrang bad kynthei.

U MDC Dawan Lyngdoh haba ai jingkren ula ai khublei ia ki paidbah nong kyrshan kiba la pynjop donburom ia u ha ka elekshon kaba lah dep bad u la ong ba wat lada um ia khun shuh iakane ka election kaba mynta, hynrei un ia trei lang bad ki paidbah ka thain bad ruh ula ong ba ki paidbah ki dei ban jied ia u briew uba don ka jingmut kaba skhem bad ruh uba don ka jing kitkhlieh ban bah iaka lyngkor kum u nongialam, u la kyrpad ia ki paidbah ban kyrshan ia u Damian S War ban Bteng ia kane ka kam Nongialam napoh ka thain ban leit mih khmat hangtei hapoh JHADC.

U Damian S War haba ai ka jing kren u la ong ba ka por kala biang ia u ban shim ia kane ka sienjam ban iakhun ia kane ka election sha JHADC bad u la ong ruh ba lada un poi sha ka thong un peit lang salonsar khamtam bạn pynneh pynsah iaka khyndew ka shyiap bad ruh ban ia da iaka jaka ka puta khamtam ha ki thain khappud.