Sei wait u dribar Punjabi bad ia kawang maw markylliang bad ki nongap check point ka JHADC

Syllad | The Rising MeghalayaNovember 28, 2023

Ka video kaba la saphriang paidbah haka 28 tarik Naiwieng, la sakhi ba ki katto katne ki dribar Punjabi kiba niah iaki trok kiba don ia u registration number plate Jammu Kashmir kila hiar naki trok ha ryngkat ka wait bad beh krad iaki nongap ka khyrdop ne ka check point ka Jaintia Hills Autonomous District Council (JHADC).

Kane ka khyrdop ka JHADC ka dong ha surok bypass, Khliehtyrshi, West Jaintia Hills District

Ha kane ka jingjia kala don ka jingiakawang maw mar kylliang hapdeng kine ki nongniah trok bad ki nongap katei ka check point.

Ka khubor ka iathuh ba kine ki nongniah trok ki kyntait ban siew khajna bad dei hangne kala mih ka jingiakawang maw bad rah wait. Hadien pat kine ki nongniah trok kila phet na kane ka jaka.

Kum kine ki jingjia kila jia bunsien ha ki jaka ba don khyrdop bad ka daw hi la lap ba ka dei na ka jingoh dor palat ki khyrdop kaba la pynkhie bitar iaki nongniah trok.