Seisoh ka jingpuid maw hajan khyllai ha Tirot Sing Memorial Hospital

Syllad | The Rising MeghalayaJune 13, 2024

Ka kynhun ki doktor hapoh Tirot Sing Memorial Hospital, Mairang, ha ka 12 tarik mynta u bnai ki la ioh ia ka jingjop ha kaba iadei bad ka jingpuid (operation) maw hajan khyllai (Pyelolithotomy Operation).

Ha kane ka operation ba la ialam da u Dr. T. Lyngdoh, Medical Superintendent, Dr. I. Ryntathiang, Surgeon nalor ka kynhun ba shemphang jong ki, ki la lah ban weng noh ia u maw uba heh ne (large calculus) na ka rental pelvis hajan khyllai jong i nongpang, kata kaba dei ruh ka jingjop kaba khraw ban lah ban leh ia kane ka operation kaba seisoh  hapoh kane ka hospital.

Kane ka jingleh operation kaba kyllain bha ka long kaba kongsan ban pyllait ia u nongpang na ka jingpan kaba jur bad ruh na ka jingsniew jong u khyllai ia kaba la lah ban leh ha ka rukom kaba janai bad phikir.

Ka jingshemphang bad ka jingiatreilang ba la pyni da ka kynhun aijingsumar ka pynpaw halor ka jingtbit bad ia ka jingtrei shitom ka jong ki ha kaba iadei bad ka jingleh ia ki surgery kiba katkum kane ka juk kaba la lah ban leh mynta hapoh Tirot Sing Memorial Hospital.

Na ka liang u Dr. Lyngdoh bad  Dr. Ryntathiang ki la lah ban pyni ia ka nuksa kaba khraw kum ki nongialam bad ka kynhun kaba la trei khlem tyngkai na ka bynta ban aijingsumar ia ki nongpang, kata ym tang ban pynioh ia ka jingkoit jong ki nongpang hynrei halor ka jingkiew ha ka liang ki rukom aijingsumar ha ka thain.

Kane ka jingpyndep ia kane ka operation kaba seisoh ka pynpaw halor ka jingkut jingmut jong kane ka hospital ha ka jingpyrshnang ban ai ia ka jingshakri kaba bha tam na ka bynta ka imlang ka sahlang.

“Ka jingiaroh ka leit kyrpang sha Dr. T. Lyngdoh, Medical Superintendent, bad Dr. I. Ryntathiang, Surgeon lem bad ka kynhun jong ka Tirot Sing Memorial Hospital, Mairang, EasternWestKhasi Hills halor kane ka jingjop kaba khraw.